蠢死

0

今日,我覺得好嬲、傷心、冇用以及緊張,真係要多得呢個人。記唔記得上一次我喺呢度講緊X先生?其實今日係佢喺公司嘅最後一日。亦都係今日,我終於鼓起勇氣問我呢兩個星期嘅疑問。佢對我係咩意思、佢到底係咪學其他人話齋,鍾意我。其實,如果佢係鍾意我嘅,我本來打算試下同佢行埋一齊,因為我發現我鍾意咗佢。我其實用咗全身嘅勇氣問呢啲問題。我成日好似失咗魂噉都係為咗佢。

但可笑嘅係,佢竟然話呢一切都係同事整蠱我哋嘅。我聽咗之後係先感到失落,然之後好嬲。唔通真係係我一廂情願覺得佢鍾意我?如果唔係佢鍾意我先㗎,同事亦都會攞我哋開玩笑?!人哋話女人嘅直覺係好準嘅,但佢嘅答覆就令我不知所謂。可能我真係唔識睇人啩。

我原本想發嘅短訊俾佢,祝佢“身體健康、一路順風”,但連打呢八個字嘅勇氣而家都冇埋。我仲諗住刪除佢電話號碼添。

就係因為你蠢,所以唔識睇人,唔識把握自己嘅幸福。抵你孤單一世。

好彩我冇表白啫,如果唔係我真係會瘀死. ;(

歐小姐,你真係好失敗。

0 comments:

Post a Comment

I am a very nice person, so just post away! =D You are welcomed to post as Anonymous if you are not comfortable in leaving down your name. ^^